Honduraseko jendeak eskaintzen dizkiguten aberastasunak jasotzen ari gara
Bada hilabete eta erdi pasatxo Alba, Aroa, June eta Leire Jutiapara iritsi ginenetik. Espektatiba zehatzik gabe etorri ginen esperientzia bizitzera zein bertako inguruaz gozatzera. Egun batzuk pasatakoan abentura honetara taldekide berri bat elkartu zitzaigun, Alazne. Talde harreman polita sortu genuen hasieratik gure artean.
Taldekideok bi proiektu ezberdinetan igarotzen ditugu gure lan orduak. Alde batetik San Viator eskolan eta beste aldetik SERSO Honduras ONG-an.
Gu bostok elkarrekin bizitzeaz gain, “pisukide” ditugu Jutiapako parrokiako “anaitxoak”. Haiekin hizketaldiak eta barreak partekatzea gure egunerokotasunaren zati bihurtu da afal orduetan.
Hainbat bizipen eta egoera ezberdin biltzen ari gara gure egonaldian: ikastetxeko ikasleen esker ona jasotzen dugu egunero, herriko jendearen gertutasuna ere bai, mendi puntan dauden komunitateetako errealitatea ezagutzen ari gara, indarkeriaren aurkako proiektu ezberdinen garapena ikustea, kartzela batean sartzea eta bertakoekin ordu batzuk igarotzea…
Eguna joan eta eguna etorri, pixkanaka Honduraseko ingurune zoragarriak eta bertako jendeak eskaintzen dizkiguten aberastasunak jasotzen ari gara eta horrela jarraitzea espero dugu geratzen zaigun denboran.
Desde el mes de octubre de 2024, la comunidad local de Banfora había acogido a cuatro jóvenes para realizar su experiencia en el postulantado. Se trata de los jóvenes: KABORÉ Joseph, KOARA Fidèle, GNANLÉ Gilbert y TCHALA Fulbert. Los dos primeros son burkineses y los dos últimos togoleses.
Su experiencia finalizó el 28 de junio de 2025. Durante su estancia pudieron descubrir la vida religiosa viatoriana, y a su vez, los miembros de la comunidad pudieron conocer mejor a estos jóvenes a través de la vida de oración, la vida comunitaria y la misión en la parroquia y en la escuela. Muy satisfechos con su experiencia, estos jóvenes afirman haberse sentido fortalecidos por la vida viatoriana.
Los cuatro han solicitado ingresar al noviciado. En su expediente, además de la carta de solicitud, se incluyen los resultados del examen médico y de la prueba psicológica, así como una carta de su parroquia de origen. En el próximo mes de agosto, el consejo de la región publicará los nombres de los que serán admitidos al noviciado.
El 25 de junio de 2025, con una comida festiva, concluyó su experiencia.
Esku hutsik iritsi ginen eta bihotza beterik daramagu
Maialen Agirreburualde, Itxaso Díaz eta Alaitz Mikelarena
Badira ia bi hilabete abentura hau hasi genuela. Oroitzen dugu bidaia oso neketsua izan genuela eta ez genuela zer topatuko genuenaren ideia handirik. Urduritasuna eta zetorkigunaren aurreko zirrara ere bagenuen, hiruron artean nola moldatuko ote ginen dudez gain. Bidaiaren lehen gaua Chiclayon igaro eta gero, Cutervorantz eramango gintuen konbi batean sartu ginen. Kurbaz beteriko bide luzea genuen aurretik, baina inguratzen gintuzten mendi zerra ederrei begira denbora azkar igaro zitzaigun, zoragarria da bertako paisaia.
Behin Cutervora iritsita, oso erraza egin zitzaigun bertako egunerokotasunera ohitzea, izan ere, bertako jendeak erakutsi digun gertutasunagatik ez da zaila izan etxean bezala sentitzea. Herri izaera duen hiria da honakoa, denek ezagutzen dute elkar, eta horregatik hasiera batetik gomendatu ziguten zenbait jarrerarekin kontuz ibiltzeko «herri txiki, infernu handi» esaldia errepikatuz. Jakin dugu horren berri, futbol partidaren bat ikusi badugu, astelehenean eskolan esango digute, eta erretretan dantzan ibili bagara, hurrengo egunean erosketa egitera goazen dendako nagusiak emango digu zertan ibili garenaren berri. Hasieran zertxobait deseroso sentiarazten gintuen horrek, baina poliki-poliki ohitzen joan gara bertako txikitasunera.
Eskolako dinamikari dagokionez, ekitaldiz josita dago: dantza eta musika lehiaketa, zientzia lehiaketa, desfileak… eta guk, gogotsu hartzen ditugu! beti dago eurengandik zerbait ikasteko. Hala ere, egia da hasiera batean bertako hezkuntza-sistemarekin topo egitean uneoro gauzak alderatzera jotzen genuela, baina poliki-poliki ikasi dugu bertatik ere badagoela zer ikasi, eta moldatzen jakitea ere ikasketa ona dela. Hiru zikloetan gabiltza esku-hartzen, lehen hezkuntzan eta haur hezkuntzan Itxaso eta Alaitzen kasuan, eta derrigorrezko bigarren hezkuntzan zein gurasoekin Maialenenean. Arratsaldeetan, aldiz, tailer sozio-emozionalak egiten ditugu LH-ko hainbat mailarekin, eta bueltan besarkada, muxu eta euren hurbiltasuna jasotzen dugu.
Argi dugu poliki-poliki abentura honen amaierara heltzen ari garela, eta horrekin batera tristura sentsazioa ekidin ezina da, denbora laburrean ikasketa asko , oroitzapen politak izatea eta laguntasun polit bat sortzea eman baitigu esperientzia honek. Behin baino gehiagotan errepikatu dugu: esku hutsik iritsi ginen eta bihotza beterik daramagu. Eta orain, etorri ginen ilusio berberarekin azken aste hauek disfrutatzea besterik ez zaigu geratzen, kontziente izanik, zorte handia izan dugula bizipen hau elkarrekin partekatu dugulako.
